Azken asteetan esku artean izan dugu proiektuaren amaiera heldu da. Lan asko eman digun proiektua izan da eta zuzenketa ezberdinak pasa ondoren plano eta maketa definitiboak entregatu ditugu gaur.
Nire proiektuak hasieran zeukan itxura ez da geihegi aldatu, baina berrikuntza txiki batzuekin borobilagoa egin izana espero dut. Bi gunetan banatuta dago etxea, bi pisuko altuerarekin leihate handi batzuez hornitutako trantzizio gunea dago alde batetik, eskailera protagonista delarik, eta beste aldetik bi pisutan banatuta logelak, egongela, komuna eta goiko aldean ikasteko gunea daude. Gainera, eskailera azpiko lekua aprobetxatzeko office bat dago, bezeroek bertan jatorduak egiteko.
Inguruarekiko harremana kalerantz bideratu dut geihen bat, leihate handietatik kanpoaldea ikusi ahal izateko eta eguneko eguzki indartsuena bertatik sartzeko. Baina barneko lorategiari ere garrantzia emateko, bigarren solairuan terraza bat atera dut, ikasten dagoenak deskatsua har dezan naturaz gozatuz.
Planoei dagokienez, arkatzez delineatzea erabaki dut. HB, 4B eta 6B arkatzak erabili ditut intentsitate ezberdinak lortzeko. Gainera, eskaileraren loturen detaile batzuk gehitu ditut, etxeko elementu garrantzitsuenaren eraikuntza hobeto ulertzeko, eta lorategira begira dauden leihoen itxiturak ere, eskolarekiko pribatutasuna lortzen lagunduko dutelako.
Piktograman hurregoa adierazi nahi izan dut koloreen bitartez: Kolore horia argia da, laranja eskaileraren trantzizio gunea eta gorria bizitza egiten den gunea. Hiruren arteko nolabaiteko lotura adierazi dut, argia barruraino sartzen delako eta proiektuaren kontzeptu printzipala delako. Berde koloreak etxea inguratzen duen lorategia errepresentatzen du. Honek ere etxearekin duen harremana koloreen nahasketarekin adierazi dut.
Azkenik, maketak kartoi hutsez egitea erabaki dut, testura eta kolore ezberdinetako kartoiekin materialak adieraziz.
Hona hemen proiektuaren argazkiak:
Ideograma
Piktograma
Maketa. E:1/100
Maketa. E:1/50
